السبت، 29 مارس 2008

يا فتاح يا عليم ..يا رزاق يا كريم

بسم الله الرحمن الرحيم

من أول السطر

ده أول كلامى هنا فى البلوج ..اللى حسيت إنه هيبقى المنفذ ليا من مشاكل الكلية والبيت والتاكسيات والميكروباصات وأى حاجة تانية بتعمل مشاكل.

البلوج إسمه يوميات طالبة فاشلة لسبب بسيط ..إن اللى بتكتبه طالبه بتكره المذاكرة وأقصى إنجاز بتعمله إنها تقعد على الكتاب بتاعها نص ساعة متواصلة (طبعا منهم ربع ساعة بحلقة فى السقف) .

الأول أحب أعرف نفسى مضبوط

أولا الإسم الحركى :ميوشة

العمل : عمل إيه بس ..مش لما أتخرج الأول .

الحالة الإجتماعية : يا مسهل ..ربنا يرزقنى بابن الحلال ..معندكش واحد ؟؟

عن نفسى : ناس كتير بيقولوا عليا إنى أسافين (مع إنى ملاك) ..بس اللى أنا متأكده منه ..إن عندى –بكل فخر- لسان عايز قطعة ، ده غير إنى بحب دايما أحط بهارات على الكلام (ملح وفلفل والذى منه) ،وممكن أكون دايما ساخرة
شعارى فى الحياة :عند الإكتئاب ..إنظر حولك ..فبالتأكيد سوف تجد أشياء (تفطس من الضحك ..نيهاهاهاها)


متهيألى عرفنا بعض كويس ...نبتدى بقى بإسم الله

هناك 5 تعليقات:

Moustafa` يقول...

السلام عليكم
يااه أنا مش مصدق نفسى .. اخيرا ً لقينا حفريه تدلنا على السلاله بتاعه أثيوبيا النادره
ومتوفره ف مجميه طبيعيه جميله كمان
طالبه فاشله.. بس دمها بجد شربات
وملامحها مصريه أصيله .. سواد جوا وبره
وشلتها فظيعه .. دماغ أوى
ع العموم انا خدتها من فوق لتحت
وطالع أرد فوق بعد انتهاء الجوله
سلام .. بجد استمتعت جدا
يخربيت كدا

محي الجويدي يقول...

ممتازة بجد بس هيا كملت على قصة فشلي للمذاكرة انهاردة بما انها ضيعت وقتي اللي ضايع خلقة طول النهار
وأهو كله فشل
بس بجد ضحكتيني لكن عاوزك تحاولي تخليها من تحت لفوق

crazy nona يقول...

gamed moooooooooooooot ya trekewaz bas ana 3ayzaky agmad mn kda kman w e7ky 3la blawy zmaaaaaaaaaaaaaaaan

SeNdReLLa يقول...

يافتاح ياعليم يارب :))

Rannon يقول...

ومين يابنتي بيحب يقعد عالكتاب..ده حتى لو إتلحسنا وفكرنا نقعد غباء المناهج بيزهقنا
سيبك مفيش أحلى من الفشل:))

بلوج حلو قوي ودمه خفيف
شكلي هنوره كتير :))


تحياتي :)