الخميس، 25 ديسمبر، 2008

نداء إنسانى


بسم الله الرحمن الرحيم


إخوانى البلوجرية .. أصحابى وأحبابى فى كل مكان


أى حد على سطح الكرة الأرضية أعرفه أو معرفوش


شلة الأنس بقيادة أفشل أعضائها " ميوشة " تناشدك من صميم وجدانكم


إنكم تفتكروهم بدعواتكم


وبتعتذر عن الفترة اللى جاية لإنها إن شاء الله هتكون فترة إنقطاع تام


نظرا لمرور الشلة كلها بفترة عصيبة جدا .. فترة إمتحانات الترم بعيد عنكم وعن السامعين


هتوحشووووووووووووونى جدا


أشوفكم فى أجازة نص السنة إن شاء الله


إدعولنا الله يخليكم


سلام عليكم

هناك 40 تعليقًا:

الحرامي يقول...

بيا ن رقم 1
بيان تأسيس العصابة
يشرفني انا الاستاذ / حرامي لص نشال

ان اعلن لكم عن تأسيس اول عصابة لسرقة المدونين

واحب اعرفكم اني خلاص بقي عندي عصابتي
واسلحتي ومفاتيحي وطفاشتي واعلن لكم جميعا عن ميثاق الشرف لتأسيس هذه العصابه

ويتضمن المواد الدستوريه التالية
1- ان لا يتم سرقة الا ما هو نفيس وغالي وعلي المدونين اللي أي كلام انهم يتطمنوا لاني مش هقرب ناحيتهم
اما المدونين المتميزين فيعرفو اني هسرقهم هسرقهم
2- اي عملية سرقة او سطو مسلح لن تتم الا بعد التهديد والوعيد يعني هبعت رساله للزبون اقوله اني نويت اسرقه
3- يتم ترك بصمات(تعليق ) علي كل مدونه تمت سرقتها عشان تعرف انها اتسرقت


4- يتم عمل نقطة بوليس (عندي في المدونه ) لتلقي البلاغات والشكاوي والتعليقات

5- لن يتم نشر اي موضوع الا اذا كان مسرووووق يعني انا مش هكتب حاجه من عندي

6- ان جيت في يوم واتقفشت فسوف اعلن توبتي وابطل سرقه واحل العصابه
وعشان تقفشني لازم تعرف اسم المدونة الاصليه بتاعتي اللي هيه مش سرقه يعني
- يتم نشر هذا البيان علي اكبر عدد ممكن من المدونات للعلم فقط
اعلانات مبوبه
اعلان لكل الجرايد الرسميه والغير رسميه
مطلوب مساعدين لحرامي.... علي ان يكونوا خبره لا تقل عن عام في السرقه والنصب والتدوين وعلي من يرغب في التقدم للوظيفه ارسال cv وصورتين او تعليقين
امضاء
الحرامي الكبير

شفقة هانم واحسان بك يقول...

ربنا معاكى يا ميوشة يارب
بس ذاكرى كويس وركزى
بالتوفيق يارب

واحدة مفروسة يقول...

:((((((
يعنى مش حنشوفك غير السنة اللى جاية؟؟؟؟؟
طيب كل سنة و انتى طيبة و ربنا معاكي يا قمرة
و بالنجاح ان شاء الله

maiosha يقول...

الحرامى
..........
حرامى

منور يا باشا .. لا الرد هنا مش هينفع
الرد هتلاقيه عندك إن شاء الله

maiosha يقول...

شفقة هانم وإحسان بيه
.....................
الله يخليكم إنتوا عارفين إنى مش بحب أتعب عنيا الحلوين بالمذاكرة والكلام الفاضى ده بس أعمل ايه حظى بقى

ماما نفسها تششوفنى ناجحة قبل ما أخرج من الكلية دى

maiosha يقول...

واحدة مفروسة
.............
عااااااااااا
يا نفروستى متفكرنيش
ده أنا إمتحاناتى يوم 30 .. يعنى راس السنة عدل

عايزين يبوظوا ألفين وتسعة من أولها

علشان لا نلحق رجلين 2008 ولا راس 2009

كل سنة وانتى طيبة يا جميل

نعكشة يقول...

ربنا يعينك يا رب و يوفقك و يكرمك و يفتح عليكِ

ياااااااااااااااا ر يقويكي

شدي حيلك

سلام عليكِ

mohamed ghalia يقول...

بالتوفيق إن شاء الله
وأنا كمان متوقف لفترة الإمتحنات
فى حفظ الله
سلام

blue-wave يقول...

ربنا معاكى يا ميوشه ياااااااارب

حد مش فاهم حاجه يقول...

ميوووووووشه
حمد لله علي السلامه
تروحي وترجعي بالسلامه

الواحد مش عارف يعمل ايه يستقبلك بعد غياب ولا يودعك
مش عارف

romansy يقول...

يلا بقر ربنا يوفقكم
كلكم

وتنجحوا وتلاقوا وظيفه حلوه
وعريس كويس

بنت الغربة يقول...

ميوشه ياحبيبتى
شدى حيلك فى المذاكره وخليك زى الطلبه اللى فى الصوره
واضح انهم تعبوا قوى فى المذاكره وبيطبقوها فى الامتحانات
انا باهزر.........اوعى تغشى
ربنا معاكى ياقمر

Teawater يقول...

ربنا معاكي يا ميوشه ومعايا برده

Teawater يقول...

ربنا معاكي يا ميوشه ومعايا برده

كيكى يقول...

هههههههههههههههههه
يافضيحة افتكرتك بتكلمى عن غزة
روحى ياشيخة ..واياكى ترجعى بسرعة
هههههههههههههههههه
ربنا ياحبيبتى معاكى ومعانا كلنا
يااااااارب
عووووووووووووووووووووووووو

الحرامي يقول...

ميوشه يسعدني انا اعلن لكي اني قمت بأول هبره
مستي دعمك ليا في السرقات القادمه

funckydoctor يقول...

ربنا معاكم

maiosha يقول...

mohamed ghalia
................
بالتوفيق أنا وانت إن شاء الله

فترة عصيبة وهتعدى

maiosha يقول...

blue-wave
...............
أيوة ادعولى أنا محتاجة دعواااااااااااات

maiosha يقول...

نعكوشتى
...........
إيه ده الرد مظهرش ليه؟؟

حتى ردودك يا نعكوشة منعكشة
ههههههههههه

وحشتينى موووووووووووت

maiosha يقول...

romancy
............
يااااااارب

أهم دعوة هى دعوة العريس دى

أميييييييييين

maiosha يقول...

حد مش فاهم حاجة
.....................
ههههههههههههه
ولا أنا عارفة والله

هى فترة كده ملخبطة فى بعض

maiosha يقول...

بنت الغربة
...........
لأ اللى فى الصورة دى طرق هواة

طرق شلة الأنس بلا فخر تعجز عن كشفها أقوى الفرق الأمنية اللى عرفت على وجه البصيرة
فرقة .. بابا أوبح لمكافحة الغش بذات نفسها معرفتش تقفشنا

متخافيش علينا

maiosha يقول...

tea water
.............
امين يا رب

maiosha يقول...

كيكى
..........
اه يا كيكى بجد ربنا معاهم هم ويقويهم

بس أنا يا بنتى كاتبه الموضوع ده قبل حادثة غزة خالص

والله حسستينى بالذنب

بجد هم دلوقتى اللى يستاهلوا الدعاء

بس إبقوا ادعولى معاهم برضة

maiosha يقول...

الحرامى
............
مبروك

هروح أقراها اهو

maiosha يقول...

funckydoctor
.................
أميييييييييين يارب

بنت الغربة يقول...

وحشتينا ياميووشه
اخبار الامتحانات ايه؟؟؟؟؟
ربنا معاك ياجميل
ارجعى بقه مستنينك
كل سنه وانت طيبه

الحرامي يقول...

اي نيد تو هيلب مي
بيكوز اي وونت سي
اي نيد تو فلاي زا سكاي
ميووووووووووووووووووشه
دا طبعا كان انجليزي يا مرسي عشان محدش يعرف انا بقولك ايه
المهم انا بما اني مشغول جداااا اليومين دووول
( مستخبي من الحكومه لا مشغول ولا حاجه)
فانا عايز مساعده بجد من اي حد له خبره في الاجرام وعشان كده انا مش هقدر اتابع لوحدي بالشكل اللي نفسي فيه بجد لو عندك استعداد
ياريت تكوني من العصابه مستني ردك
ممكن تبعتي علي الاميل علي طول

TeVa يقول...

معاكي ومعاانا يارب

بس خلاص ... يقول...

ربنا معاكى يامشمش بس قولى لى انتى مين فى الصورة دى
دعواتى لكى بل التوفيق

ايمو يقول...
أزال المؤلف هذا التعليق.
ايمو يقول...

وحشاااااااااانى موووووووووووووت
يا ميوشة

ربنا معاكى يا حببتى على انتى فيه
وتخلصى بقى من العوء والعبث دة كله
قولوا اميين

yoyo يقول...

فى اولى زيارتى لكى اسجل لكى اعجابى بمدونتك

وان شاء لله ربنا يوفقك فى امتحانتك
وترجعى بالف سلامة ان شاء الله

تحياتى
يويو

غروب يقول...

ميوشه

وحشتوووووونى جداااااااا

من يوم مقفلت كلمات مش شفتكم

الحمد لله انى لقيتكم تانى

ربنا معاكوا ومعايا

مهى نفس المواد والبلوى واحده

انا قربت اخلص
لسه ليه براجماتيكس ونقد بس

وانتوا


ياريت تطمنونى وربنا معاكوا ياى قمرات

غروب

دعاء مواجهات يقول...

بنا معاكى ياارب ياحبيبة قلبى

وتجيبى جيد جدا زى التيرم اللى فات

وتبطلى تمثيل الفشل علينا بقى

هههههههههههههههههههههههه


وحشاانى اوى يابنتى بجد وواحشنى صوتك

بيس

كيكى يقول...

اييييييييييييييييييييييييييييية ياحاجة
لسة مخلصتيش الكفار خلاصوا من زمااااااااان
!!!
نداء انسانى الى يشوف ميوشة بوقلها كيكى بتدور عليكى
عووووووووووووووووووو

شفقة هانم واحسان بك يقول...

ربنا معاكى يا ميوش
بس انتى وحشتينى اوى اوى اوى
خلصى بقى بسرعة

أبو العريف يقول...

ايه يا بنتي هي الامتحانات دي جملي ولا ايه
وبعدين هما الفشله بتفرق معاهم امتحانات ولا كلام فاضي
خلصي بسرعه

almasry يقول...

ربنا معاكى يا ميوشه هانم




بس عليكى انتى كمان تدعى لينا



علشان احنا كمان ننجح