الخميس، 4 ديسمبر 2008

تاج السعادة


ياااااااااااااااااااه ...............عدى شهر بحاله من غير ما أكتب .. بجد وحشتونى جدا جدا .. بس أقول ايه بقى كنت مشغولة موت.. اصل إحنا وصل عندنا فى عيلتنا المتواضعة فرد جديد .. بس واد يجنن زى العسل .. كان واخد كل وقتنا الفترة اللى فاتت دى .. لا لا أنا مش عايزة اسمع مبروك حاف كده ..أنا عايزة عيدية لو سمحتم ولحمة كمان


كل سنة وانتوا طيبين بقى .. والعيد فرحة ... مااااااااء

****************

النهاردة ان شاء الله هجاوب على تاج بعتهولى .. محمد غالية .. اللى للأسف معرفتش أجاوبة غير دلوقتى .. وأنا بجد بعتذرله جدا جدا على التأخير


السؤال الأول:ماهى السعادة من وجهة نظرك؟


-بحس بقمة السعادة يوم الجمعة .. لإنى مش ورايا كلية ولا سكاشن .. ومش مضطرة إنى أظبط الموبايل ويرن وأقوم اطفيه وانام تانى ويضيع منى السيكشن


السؤال الثانى: كيف تصل إلى السعادة؟


-اول ما أخلص الامتحانات بتاع كل سنة


السؤال الثالث: هل السعادة وهم أم أنها حلم صعب؟


-السعادة دى وقت وبيعدى وخلاص.. وبعد ما يخلص ندور عليه تانى .. علشان يجى ويعدى تانى .. وهكذا


السؤال الرابع: هل السعادة طريق للنجاح ؟وضح؟


-بالنسبة للفشلة اللى زى أكيد لأ .. بس ممكن نعتبر النجاح طريق للسعادة


السؤال الخامس: ماهى أكثر اللحظات التى شعرت فيها بالسعادة؟


-بالنسالى لما طلعت نتيجة سنة أولى واكتشفت انى نجحت وهروح سنة تانية


السؤال السادس:هل ممكن أن تحقق كل شىء؟


-أكيد لأ طبعا .. يعنى أنا مثلا نفسى فى دراسة من غير امتحانات .. وأكيد مش هقدر أحقق ده غير لما ابقى وزيرة التربية والتعليم


السؤال السابع: السعادة تجعلك تقبل على الحياة أم لا؟


-أحنا مقبلين على الحياة بأى شكل .. غتاتة يعنى


السؤال الثامن: هل أحسست يوما انك وصلت لقمة السعادة؟


-اى وقت بحس فيه بالسعادة .. اكيد ده بالنسبالى بيبقى قمة السعادة


السؤال التاسع: لماذا تمر أوقات السعادة بسرعة؟


-مش عارفة بصراحة.. بس طول عمرى بعتبرها قلة أدب من السعادة


السؤال العاشر: هل ترى السعادة فى التدين؟


-إيه الإحراج ده؟؟.. بس أكيد كل ما بقرب من ربنا .. كل ما بحس بالسعادة أكتر.. لإن مفيش سعادة أكتر من سعادة قربك من ربك ومعرفتك لدينك


السؤال الحادى عشر: هل أنت متفاؤل وعندك أمل؟ وضح؟


-أكييييييييييييييييد.. أنا مش فاضلى فى الدنيا دى غير الأمل.. ودايما بعتبر نفسى من اكتر الأشخاص المتفائلين اللى قابلتهم فى حياتى


السؤال الثانى عشر: إذا شعرت بالحزن ماذا تفعل؟


-أنا وشلتى الفاشلة كل ما نزعل .. بنااااكل.. بجد والله .. علشان كده صاحب محل زيزو النتن بيدعى ربنا كل يوم إننا نزعل .. مكسب ليه برضة


السؤال الثالث عشر: هل يستمر معك الحزن فترة ام ينقضى فى الحال؟


-فى الحال .. لمجرد إنتهاء سبب الحزن.. زى المحاضرة مثلا..


السؤال الرابع عشر: ما رأيك فى الأفراد المتشائمين؟


ياااااااااااى.. لأ بجد ليه أتشائم .. لما ممكن أبقى متفائلة .. وبعدين لما أتشائم هستفاد إيه يعنى .. غير ان وشى هيكرمش وهعجز بدرى ..ربنا خلقنا فى الدنيا للسعى .. ودايما بحس إن التشاؤم بيوقف السعى ده .


أخر حاجة بقى التاج ده هدية منى لأى حد عايزه .. بس إبقوا بلغونى إنكم جاوبتوه علشان أشوف مقاييس السعادة عندكم


وكل سنة وإنتوا طيبييييييييين


هناك 20 تعليقًا:

mohamed ghalia يقول...

الحمد لله إنك رجعتى بالسلامة
مبروك الضيف الجديد
وإن شاء الله العيدية موجودة هههههه
متشكر قوى لقبولك الأسئلة
حقيقى غجاباتك رائعة استمتعت بيها جدا
ربنا يسعد دايما
كل سنة وانتى بخير
دمتى بكل الود أختى العزيزة

blue-wave يقول...

حمدالله على السلامه
بتوحشينا
وكل سنه وانتى طيبه

maiosha يقول...

mohamed ghalia
.................
الله يسلمك يا محمد.. أنا عارفة إنى إتأخرت كتير على الرد.. بس بجد الضيف ده يستاهل

كل سنة وإنت طيب

maiosha يقول...

blue-wave
...............
بجد كلكم وحشتونى موووووووووت

كل سنة وانتوا طيبين
وعيد سعيد ان شاء الله

romansy يقول...

نورتى البلوج بتاعك
اكيد كده عنده العيد عيدين
كل سنه وانتى طيبه
والف مبروك
علشان المولود الجديد
متخفيش مش هنسى العيديه
ولا اللحمه
بس دول خليهم شويه

اما بقى بالنسبه للتاج
فانتى كده وخليكى زى ما انتى متفائله
على طول

بنت الغربة يقول...

انا اول مره ادخل عندك - انت ظريفه قوى - لو كنت عايزه كليه من غير مذاكره خالص كنت دخلت فنون جميله زى حلاتى - كانت كليه رايقه كلها رسم ومشاريع وفسح فى كل حته فى مصر وضواحيها (الاقصر واسوان)يعنى اخر سبهلله - كانت ايام حلوه قوى - بس لازم بتكونى بتعرفى ترسمى كويس والا مش هتدخليها -ربنا يوفقك وابقى شرفينى فى مدونتى

mohamed يقول...

كل سنه والعائله والمولود يخير وسعاده
والعيديه مرفقه بالتعليق ومليش دعوة لو وقعت فى السكه

غير معرف يقول...

ميووووووووشة إزيك


إجاباتك بجد ممتعة اوى

كل سنة و أنتى طيبة يا قمر

موووووووووووه

maiosha يقول...

romansy
...........
ماشى هنشوف هتنسى العيدية ولا مش هتنساها .. أدينى بفكرك بيها تانى أهو

كل سنة وإنت طيب

maiosha يقول...

بنت الغربة
............
أنا أدخل فنون جميلة ؟؟ أهى دى بقى كانت تبقى المهزلة
ده أنا بمسك القلم علشان أكتب بالعافية عايزانى ارسم

ده الشخصية العصعوصية دى اللى رسمها بيبقى عبارة عن خطوط مش بعرف ارسمها

على العموم نورتى المدونة

وكل سنةوانتى طيبة

maiosha يقول...

mohamed
............
يالهوتى.. والله العظيم ما وصلش حاجة..
حتى العيدية مش عارفة توصلى .. ايه النحس ده يارب

على العموم كل سنة وانت طيب

نورت المدونة

maiosha يقول...

انا ودماغى
............
ياااااااااه
بجد كلكم وحشتونى جدا

كل سنة وانتى طيبة يا قمر

بس خلاص ... يقول...

ميوشه الفرفوشه .. وحشتينى ياقمر ..كل سنه وانت بسعاده .. حمدالله على سلامتك ومبروك المولو الجديد .... وهديتك وصلت اسانس عنايات ده خطير اول لما رشيته ... ياربى على اللى حصل ...بصى انا عيناه للطوارئ ...ماتغيبيش تانى علينا ..ابقى ادخلى رشى رشة اسانس واحده بس نطمن عليكى

دوللي وسارة يقول...

ميوشة المرووشة
ازيك يا قمر والله معاكي سارة صاحبة داليا جيرانك في مدونة سكر يا بنات ونشرنا والحمد لله أول بوست لينا إسمه الشك يا أوختشي وبجد انتي بنوتة زي العسل ودمك شرباااااااااااااات يخرب عقلك ومبروك علي الضيف الجديد والعيدية في الحفظ والصون
كل سنة وإنتي طيبة

أبو العريف يقول...

كل سنه وانت طيبه وسعيده جدااا يا باشا
وبمناسبة العيد بهديلك الحته دي كتبتها عاي الهوا كده
حاسس بروحي خارجه من جسمي
ميوشة انت
بل وفرفوشه
قطعني يا عم الساكس
ياللي بقالك كتير غايب
فينك قولي
عازمك علي جوز عصير
بس ارجع وفضفضلي
اول ما عرفت انك
جددت جيت اوام
مقدرش امشي وانفض
لازم اعلق اووام

دوللي وسارة يقول...

هههههههههههههههههههههههههه
ميرسي علي المرور يا قمر
وعجبني أوي موضوع الظلال إبقي فكريني اكتب عنه بجد عجبني وعمال يزنننننننننن
في دماغي دلوقت
بس يعني ازاي الماوس منفجرش في فيكي
معلش ده عطل اول ما يتصلح هينفجر علي طوووووووووووول
هههههههههههههههههههههههه
يلا سلام يا ميوووووووووووشة

كيكى عوووووو يقول...

لولولولولىىىىىىىىىىىىىىىىىىى
لوللىىىىىىىىىىىىىىىىىىىىى
حمد الله على السلامة يا اختشى
هفجرك لو غيتى تانى فاهمة***
ربنا دايما يسعد ايامك ويفرحك دايما يارب
ومفيش عيدية
عوووووووووووووووووو

شفـقــة و إحســــان يقول...

مبروك يا ميوشة
لكن انتى فين يا بنتى بقالك كتير ما بتكتبيش وحشتينا بجد

بسبوسة يقول...

ربنا يبعد عنك اى ناس متشائمة
ويسعدك دايما

بنت الغربة يقول...

ازيك ياجميل
انت فين لابتكتبى ولابتزورى حد
هو النونو الجديد واخدك مننا ولا ايه؟
مستنينيك
تحياتى