الأحد، 11 مايو، 2008

ربنا معانا اليومين دول

سلام عليكم
أنا عارفة إنى إتأخرت كتير من غير ما أكتب جديد .. لكن أعمل إيه ؟؟ جدول الإمتحانات بيأكد وبكل ثقة إن إمتحاناتى الشهر ده.. وماما حبيبتى مصممة جدا جدا على إنى أنجح السنة دى.. فعلشان كده أنا هضطر أسفة أوقف تنزيل أى بوست جديد حتى نهاية إمتحانات الترم التانى .. ربنا يعديها على خير
أما البوست اللى فات .. لسه طبعا واقف عند إمتحان القصة .. هنوقف الأحداث لحد هنا لغاية ما نكمل بعد الإمتحانات.
الموضوع ده فكرنى لما كنت فى الإعدادية كنا بناخد قصة رحلة إلى مركز الأرض .. الترم الأول خلص لما البطل أغمى عليه .. وفضل يا عينى مسخسخ كده لغاية الترم التانى ما بدأ .
إدعولى يا جماعة ربنا يخليكوا .. وأشوفكوا بعد الإمتحانات

سلام

هناك 62 تعليقًا:

واحدة مفروسة يقول...

معلش يا ميوش المذاكره اهم و ربنا معاكى انا بكتب و الجون التانى بتاع الاهلى وصل...ان شاء الله ناااااااااااااااجحه
بالتوفيق

دكتور بهــدوء يقول...

مستنيين حاكايات الامتحانات كامله اما تخلّصي بقي

emo يقول...

ههههههههههههههه ربنا معاكى وفكرتينى با ايام اعدادى
متعرفيش انا كنت بكرة القصة دى قد اية
قال رحلة اللى مركز الارض
معى انك اهلاوية بس ربنا معاكى

wa7ed 2ensan wnsan يقول...

ربنا معاكي على امتحاناتك ومعايا على امتحاناتي 7/6 يعني بعد اما انتي تخلصي خالص

ربنا معاكي على الرغم من انك اهلاويه

maiosha يقول...

ههههههههه ..جرى إيه يا جماعة إنتوا هتعملوا حزب الزملكاوية ضدى ولا إيه؟؟

على العموم ربنا يخليكو وتدعولى كمان وكمان

مبروك يا مفروسة على الماتش .. خلينا بقى نرجع أمجادنا بقالنا كام ماتش بنتغلب

wa7ed على فكرة إنت واخد فكرة غلط عن إمتحاناتنا أنا هخلص يوم 26/6 يعنى هتكون إنت اللى خلصت.

bar2ash يقول...

يارب
من قلبي احنا وكل اللي بيمتحنوا
والله هموت خلااااااااااص

انتي فينك من زمان ولا هي كانت زياره والسلام

CrY2DaY يقول...

ربنا يريح الناس كلها من الامتحانات والله الواحد تعب نخلص الامتحانات من هنا نفكر فى الشغل ... وبعد كدة ترجع ريما لعادتها القديمة
ربنا معاكى ومع الجميع

ــــــــــــــــــــــ
دعوة لفعل الخير

اتمنى زيارة مدونتى

تحياتى

wa7ed 2ensan wnsan يقول...

لا ربنا معاكي فعلا دانا هخلص قبلك بيوم 25/6

هبههههووب يقول...

ربنا يوفقك يا حبيبتى ويوفقك كل الطلبه
من سلك طريقا يلتمس فيه علما سهل الله له طريقا الى الجنه
ربنا يكتب لك الخير يارب ويصلح لك حالك
ونسمع عنك اخبار كويسه عن النتيجه قريبا
ان الله لا يضيع اجر من احسن عملا
اتجدعنى يا قمرة ونشوفك ف البوست الجاى
ميرسى على زيارتك مدونتى نورتيها
تشكرات

Gannah يقول...

ميوشا
سعدت جدا بزيارتك لمدونتى و تعليقك الجميل. بس ليه بس تقولى على نفسك طالبة فاشلة ان شاء الله تكونى ناجحة جدا و ترجعى بعد الامتحانات مفوقة كده و تمتعينا بحكاياتك
ربنا يوفقك
تحياتى

امل يقول...

ربنا يوفقك يا ميوشة
وتجيبي اعلى تقدير
وترجعي وانتي فرحانة
آآآآآآمين

bar2ash يقول...

برقش الاهلاوي
اثبتي يا ميوش انك علي الحق
في كونك اهلاويه وفي كونك ممتنعه عن الكتابه عشان المذاكره الاتنين صح

وهنستناكي وربنا يوفقنا كلنا

سلام

PrInCeSS BeRy يقول...

ربنا معاكى يا ميوش ويوفقك جربت انا المذاكرة دى بس الحمد لله خلصت منها عقبالك

dramaqueen يقول...

ميوشة العسولة الجميلة الذيذة اللى بع اذنها هاخليها اختى الصغيرة

مدونتك زى العسل قريتها كلها وكل بوست احلى من التانى
ربنا يوفقك فى الامتحانات يا قمر

Tamer Nabil يقول...

ربنا يوفقك يكرمك

وان شاء الله اعلى الدرجات من نصيبك

تحياتى

maiosha يقول...

لكل اللى ردوا عليا وشاركونى فى أزمة إمتحاناتى ألف أللف شكر

ولكل الناس اللى أول مرة يشرفونى فى مدونتى يا لف أهلا ومرحبا وأتمنى إنها متكونش أخر زيارة وتنورونى على طول

drama queen
.............
أنا يا قمر يشرفنى إنك بس تيجى تنورينى عندى فى المدونة فما بالك بقى لما تعتبرينى أختك الصغيرة كمان.. رغم إنى لسه جديدة فى عالم المدونات ده ودى لسه أول مدونة ليا .. بس إنتوا بجد حسستونى إننا هنا أسرة وكلنا إخوات

wa7ed ensan
........................
والله ده ظلم يا جدع بقى تبتدى 7/6 وتخلص 25/6 والله ده حرام ده أنا هقعد أمتحن فوق الشهر

جنة وهبهووووب وأمل وتامر نبيل و princess bery
نورتونى بجد وشكرا على تعليقاتكو الجميلة

برقش .. أهلى أهلى أوه أوه

catroz يقول...

{بنا معاكى ياااااارب فى الامتحانات

الغجرية ست جيرانها يقول...

ربنا ينجحك وانشاء اللة متبقيش اسم علي مسمي تبقي طالبة ناجحة

funckydoctor يقول...

هينجحوكو ان شاء الله
إلا بجد عاسزة تنجحى ليه علشان تنضمى لصفوف العاطلين
:D

خواطر رئيس شاب يقول...

لازم ان شاء الله تنجحى علشان خاطر ماما حبيبتك

ربنا يوفقك

تحياتى

Miss. Sosa يقول...

معلهش يا ميوش رشي بنج علي المدونة مؤقنا عقبال ما ربنا يسهل
والسحابة السودا بتاعت الامتحانات تعدي

ربنا يعديها علي خير وتكوني من الناجحين يارب وبتقدير جميل زيك ان شاء الله

ahmedmisry يقول...

بالتوفيق يامبوشة إن شاء
صحيح ده زيارتى الأولى
بس بصدق قصصك لطيفة ... غريب أمركم يابنات عندك طولة بال تكتبوا القصص والحكايات ده ... أضحكتينى فعلاً بصدق كثراً فى أكثر من مقالة أو تقدرى تقولى قصة ... أنا عن نفسى لا أملك طولة البال فى قص مواقفى الخاصة واليومية إطلاقاً

لك منى التحية ولى زيارات لاحقة إن شاء الله

زيزو الشقى يقول...

انا مدون جديد

دى اول زيارة ليا


مدونتك حلوة اوى ودمها شربات

عز الدين


سلااااااااام

زيزو الشقى يقول...

انا مدون جديد

دى اول زيارة ليا


مدونتك حلوة اوى ودمها شربات

عز الدين


سلااااااااام

ba7re يقول...

ههههه
ربنا معاكى
احنا على ايامنا مكانتش القصة دى
شدى حيلك فى المذاكرة :)
فى انتظار تدويناتك بعد الامتحانات
و سلام :)

زيزو الشقى يقول...

كتبت احد موضوعاتى وسوف ترى افكارى

تحياتى

عز

سلاااااااام

gannah يقول...

ربنا يوفقك ويعنيك ...وبالنجاح ان شاء الله مستنينك

زيزو الشقى يقول...

شكرا لكى على متابعتك لمدونتى

بالتوفيق و النجاح

تحياتى لكى

حنين القلب يقول...

ربنا يوفقك وينجحك
ومعلش مذكرة تفوت ولا حد يموت
ان شاء الله ناجحه
ابقى زورينى لما ترجعى
سلام

نور يقول...

ربنا معاكى يا ميوش و ان شاء الله تنجحى وبتقدير كمان
و مستنينك بعد الامتحانات
سلام يا جميل

maiosha يقول...

هاى يا شباب إزيكم

طبعا كل التحية للناس اللى عبرتنى ودعيتلى فى إمتحاناتى ربنا يخليكوا ليا وميحرمنيش منكم أبدا أبدا

ثانيا مش تباركولى.. أنا إمتحنت أول إمتحان إمبارح..يااه متتسوروش كان إمتحان عامل إزاى ؟؟ أكيد هيجى يوم أحكيلكم عليه

إدعولى بقى فى بقيت المواد كمان ربنا يخليكوا

سلام

wa7ed 2ensan wnsan يقول...

نفتقدك بشده ونفتقد موضوعاتك الساخره
ولكن صبرا حتى تنتهي تلك الامتحانات وتعودين الى قواعدك التدوينيه سالمه

ان شاء الله

الله معكي

حبيبـــــــة القمـــــر يقول...

انا سمعت الكلام وقلت لازم اعلق عشان زياراتي اللي فاتت متحسبتش باين ولا ايه

بجد انا فرحانه بيكي واستمتعت جدا وانا بتصفح مدونتك الجميله

ربنا معاكي ياقمر ومستنياكي

GOLDEN B0Y يقول...

الفشل فشل فشله فشلو يفشل

واااااااااااء
بكره الكلمات دى بحس هازورك بردو

بصراحه ده المفرود لكل المدونين اللى عندهم انتحارات الا فى حاله واحده لو يعرفو يوفقو بين هذا وذاك

تقبلى تحياتى :
ROONEY

.:.-=- ELGaZaLy-=-.:. يقول...

ربنا يخليلك ماما

وشدى حيلك...

ان شاء الله نجاحة بتقدير

ربنا معاكى عودة لتصفح ارشيفك

د/أبا يحيى وادم يقول...

السلام عليكم ورحمه الله وبركاته
ربنا يوفقك يارب ويجعلك من الناجحين المتفوقين الاوائل باعلى الدرجات كمان
والسلام عليكم

Desert cat يقول...

معلشى كلها كام يوم والامتحانات تخلص
ربنا يوفقك
فى انتظار عودتك لتكلمة القصه

drpharma يقول...

شدي حيلك واي حاجه تتعوض

wa7ed 2ensan wnsan يقول...

مبروك الشكل الجديد يا فاشله هانم

maiosha يقول...

الله يبارك فيك يا سيدى.. إيه رأيك ؟؟ أحسن من الأول؟؟

يالا شد حيلك ..هانت كلها إسبوع وتبتدى.. ربنا معاك..مش عايزين الفاشلين يزيدوا واحد

Gannah يقول...

ميوش
ربنا معاك شدى حيلك و مستانيينك
متتأخريش علينا
بالتوفيق
تحياتى

رئـــــيسـة حزب الأحلام يقول...

ربنا معاكى
واجمدى كدة واعدى ذاكرى
ربنا يوفقك

واحد بيدور علي قلبه يقول...

ربنا يوفقك وينجحك وترجعي بالسلامه ابقي اعزمينا علي حاجه سقعه حاجه سخنه اي حاجه

wa7ed 2ensan wnsan يقول...

على فكره ليكي عندي تاج

ابقي اقريه وجاوبي عليه

wa7ed 2ensan wnsan يقول...

لسه منزل بوست يا رب يعجبك يا ريت تقريه وتقولي رأيك

دعاء مواجهات يقول...

ربنا معااكى ياقمر

حاسة بيكى بجد

مستنيااكى بعد العودة

لن اتنازل عن زيارة جامدة منك

بيييس

maiosha يقول...

من عنيا يا عبد الله أنا جاية فى السريع

maiosha يقول...

نورتينى والله يا دعاء

ألف شكر على الزيارة الجميلة

وألف ألف شكر على الدعوة الأجمل لزيارتك

أنا بقى اللى مش هتنازل عن تكرار زيارتك ليا إن شاء الله بعد الإمتحانات وتنزيل البوستات الجديدة

maiosha يقول...

أنا قريت البوست يا عبد الله بس مش عارفة اعلق عندك هناك.. البلوج إتجنن من الثانوية العامة هو كمان

بس على فكرة عايزة أقولك إنى عايشة الحاجة ثانوية لحظة بلحظة .. أصل الست أختى فى تالتة ثانوى وعمالة أسمعلها نصوص وأدب .. وهى أصلا مورثتش منى حاجة غير فشلى .. وغلبتنى كمان فى موضوع الفشل ده.

ربنا يوفقكم كلكم السنة دى ويخرجكم منها على خير يالا عايزين نشوفكم فى كليات بقى

المتحرش بها يقول...

ربنا معاكى

wa7ed 2ensan wnsan يقول...

يااااااااااااااااااااااااه

دا الامتحان كان سهل جدا والحمد لله


وانتي اختك عملت ايه ربنا معاها ومعانا ومعاكي

wa7ed 2ensan wnsan يقول...

وانتي امتحاناتك عامله ايه

Nostor Azzuro يقول...

معاكى الرب فى الأمتحانات
وترجعى بالسلامة
وتجيبى امتياز كمان
وتكمللنا القصة العبثية الجميلة
وتقبلى زيارتى

gannah يقول...

مستنينك بعد الامتحان ربنا معاكى

maiosha يقول...

الحمد لله يا عبد الله .. أنا شفت الإمتحان لقيته كويس ..هو بس ممكن يكون طويل شوية بس شغال يعنى

أما أنا بقى فإمتحاناتى مش عارفة مالها السنة دى أنا اللى إتجننت ولا الدكاترة ولا يمكن أنا بقيت فاشلة أكتر من الأول بس والله مش عارفة إيه اللى بيحصل دلوقتى .. ربنا يستر

maiosha يقول...

nostor azzuro & جنة

ألف شكر على الزيارة والدعوات الجميلة .. يا رب بس الإمتحانات دى تخلص على خير وأخلص الإمتحان المشؤم اللى مش عايز يخلص ده

دعاء مواجهات يقول...

اخبار قمرنا اللى مش فااشل اية ؟؟

ميرسى اوى على تعليق الللى عسل زيك

معنديس رد علية غير دى

امووووووووة

ودى

هههههههههههههههههههههههههه

نورينى ديما

ادم المصرى يقول...

ربنا ينجحك بأزن الله انتى وجميع شباب المسلمين ان شاء الله بتوفيق الدائم

عبده الرايق يقول...

ربنا معاكى
هو لسه فاضل كتير ؟؟؟؟؟؟
على العموم ادعو الله لكى بالتوفيق والنجاح

maiosha يقول...

أيوة يا عبده لسه قدامى لغاية 26/6

أيوة كده إدعيلى الله يخليك

محمد الكومي يقول...

ربنا معاكي انا خلصت

maiosha يقول...

محمد يا كومى

حرص على نفسك

أنا بحقد على اى حد يخلص قبلى

وبصراحة أنا عينى مقورة ومدورة