سنة حلوة يا جميل .. سنة حلوة يا جميل
سنة حلوة يا مدونتى حبيبة قلبى
سنة حلوة يا جمييييل
يااااااااااااااااااااه .. سنة.. سنة كاملة .. اه والله .. مدونة يوميات طالبة فاشلة تمت النهاردة سنة كاملة
سنة كاملة وأنا بكتب يومياتى الفاشلة أنا وشلة الأنس
سنة عرفت فيها أصحاب بجد .. أحلى اصحاب .. ناس اتعرفت عليهم شخصيا .. وناس همووووت واشوفهم واقابلهم ..ناس أتأثرت بيهم جدا جدا.. وناس عجبتنى دماغهم .. وناس لغاية دلوقتى مش عارفة ايه الحل فى دماغهم دى بالظبط
المهم إنى أقدر اقول إنها كانت فعلا .. سنة حلوة يا جمييييييييل
وبالمناسبة دى شلة الأنس كانت عايزة تقول كام كلمة كده للمدونة اللى كانت مكان تجمعنا التانى (بعد سلم الكلية طبعا)
ميرو :عيد ميلاد البلوج ؟؟ يعنى المفروض أعمل ايه يعنىبمناسبة عيد ميلاد البلوج ده .. اقوم أرقص عشرة بلدى؟؟ ده أنا مبحتفلش بعيد ميلاد أبويا.. احنا يابنتى ناس على قد حالنا ومنعرفشى الكلام ده .. بس على العموم لو فيه تورتة ولا حاجة ساقعة أكيد هاجى يعنى..نيهااهاهاهاهااهاها
إيمو : كل سنة والبلوج طيب وعقبال ما أشوفه عريس .. وبرده هفضل اكتب فيه وهفضل زى القمر وعيونى " اللى هى أجمل عيون" هتفضل زى ما هى .. ملحوظة " أنا متواضعة جدا ..وإن شاء الله هنزل صورتى علشان تعرفوا بنفسكم" وأخيرا ربنا يخلينى ليكم.. لإنكم من الأخر من غيرى ما تساوش حاجة " تواضع .. تواضع يعنى"
الإمضاء: أجمل بنات العالم " مطلوب عريس ضرورى"
موها: كل سنة والمدونة طيبة.. وعقبال مليووووون سنة.. وأنا طبعا هبقى لسه برشاقتى وصحتى إن شاء الله .. وأكون السنة الجاية أتجوزت على طول كده .. ويكون عندى 6 عيال وانتى هتعنسى طبعا انتى والشلة كلها.. اه صحيح أنا شعارى دايما فى الحياة " من تواضع لله رفعه"
بيبا: بلوج ايه وبتاع ايه ؟؟ انا فاضية للكلام الفارغ ده ؟؟ يا بنتى انا ورايا ابحاث ومذاكرة بالهبل.. بس برضة اهو عشرة سنة.. كل سنة وانت طيب يا بلوج .. مع إننا طلعنا فيك متخلفين و أخرنا غدا من عند زيزو النتن وحاجات تانية كتير.. بس برضة كنت لذيذ وساعات بتضحك.. متهيألى عطلتينى بما فيه الكفاية يا ست ميوشة .. امشى بقى أنا مش فاضية .. وعلى فكرة متتوقعيش هدية يعنى.
أما عن ساسو : بلوج ؟؟ بلوج ايه؟؟ مادة عندنا دى ولا ايه؟؟
يوووووووووه انا ناقصة مواد على دماغى .. يا شيخة امشى بقى أنا عايزة أروح .. هموووووت واناااااااااااااام
وأخيرا .. كل سنة وأبنى حبيبى .. اول فرحتى طيب وعقبال السنة الجاية ان شاء الله
*******************************
بمناسبة عيد ميلاد المدونة .. احب اعزمكم كلكم على أول بوست باللغة العربية ليا منشور على مدونة
وياريت تراعوا إنى مش سيبويه يعنى .. وان دى محاولتى الاولى
لو عايز تقراه ادخل هنا
.jpg)
هناك 41 تعليقًا:
هازى بازى يويو
هازى بازى يويو
كل سنة وأنت طيب يا بلوج
عقبال مية سنة
سنة حلوة يا جميل
ومبروك يا ميوش
كل سنة ومدونتك بخير
كل سنة ومدونتك فى سعادة
دمتِ بكل الود
كل لحظة وانتى والمدونة واحنا والسيد المحافظ والسيد وزير الصحة والسيد المدير والسيد الوكيل واعضاء مجلس الشعب والشورى ومحافظ ابنك الدولى
(فاضل حد ما قلتش عليه احسن يزعل
ولا حاجة المهم كل سنة وانتى طيبة وعقبال ما تحتفلى بالبراءة مع مرتبة الشرف قصدى يعنى بالشهادة الجامعية
(قصدى يعنى تخلصى الكلية والمذاكرة
والكلاااااااااااام البايخ ده.
معلش نسيت اقول
السلام عليكم
عووووووواف
مع اني مش كتير دخلت عندك
بس كنت بقرا كتير والله برضو
انتي اللي بقالك فتره مش كتبتي حاجه
عموما عموما...ز
كل سنه وانتي ومدونتك طيبيبن وعقبالك سنه واحده كمان
اه وتسعه وتسعين سنه برضو
شباك موارب
ميووووووشه
كل سنه وحضرته طيب
وعقبال ميت سنه
بس انا مش عارف مين عم بلوج دا اللي انت عملاله عيد ميلاد
كل سنه وانت طيبه حقيقي بلوج ممتع
مزيد من التقدم
علي فكره بقي عندي حبرين حلوين بمناسبة عيد ميلاد سعادته
اولا البلوج ده هو اللي عرفني علي العالم ده
وهو اللي دخلني عالم التدوين
ثانيا عيد ميلاده بيوافق
وفي نفس ذات اليوم عيد ميلادي
ايوه واالله العظيم
بس انا مش بقالي سنه بس
لا انا عايش بقالي كتيييير
كل سنه وانتي بلوجايه منوره علام البلجويين
هههه
كل سنه وانتي سعيده يارب وبأحسن حال
shahieno
.............
متشكرين يا شاهينو على المعايدة الجميلة دى
وايه اللغة الغريبة اللى انت بتغنى بيها دى.. صومالى دى ولا ايه؟؟
على العموم وانت طيب يا سيدى .. وعقبال ما افرح بيك واشوفك عريس
mohamed ghalia
.................
وانت بألف صحة وسلامة
ربنا يخليك لينا وللتدوين كله
norahaty
.............
نورتينا يا جميل
بس ايه الذاكرة الحديدة دى .. كل الناس دول عيد ميلادهم النهاردة؟؟
ده على كده بقى هيبقى يوم تاريخى
ههههههههههههههههه
وانتى طيبة يا قمرايا
ونورتى البلوج
norahaty
.............
يعافيكى يا اوختشى
شباك موارب
...............
وانتى طيبة يا جميل .. تشرفى وتنورى فى اى وقت
انا فعلا بقالى فيترة ما كتبتش
منها لله الكلية المفترية هى اللى مخليانى مش لاحقة اخد نفسى حتى
نورتينى يا جميل
ابو العريف
...............
على فكرة بقى.. سيبك من البوست .. وعيد ميلاد المدونة وكل الكلام ده
أحلى واجمل واكبر كل سنة وانت طيب لأبو العريف
بقى كده عيد ميلادك يبقى امبارح ومفيش لا حس ولا خبر
طيب حتة جاتوه ولا سندوتش بسطرمة ولا حتى بيبسى كانز
يالا مش مشكلة.. خليها عليا المرة دى
بس بجد كل سنة وانت طيب وعقبال 1000000000000 سنة
تانى حاجة بقى.. انت متعرفش قد ايه انا فرحانتة وفخورة جدا ان البلوج بتاعى كان السبب فى دخولك عالم البلوجرية.. وان المدونات اللى على النت كلها زادت مدونة جديدة من أحلى واخف المدونات على قلبى .. وهى مدونة تخاريف ابو العريف
وعقبال ما تحتفل بعيد ميلادها الاول والتانى لحد العشرين ان شا ء الله
أحمد ابو العلا
...............
وانت طيب يا باشمهندس
وربنا ما يحرمش البلوجرية منك ابدا ابدا
ميوشة
كل سنة وانتي طيبة انتي وكل القمرات صاحباتك
عجبني فيهم تواضعهم اوي
دايما بشوف فيكي وفيهم مثل اعلي
يارب السنة الجاية تكون كل واحده فيهم حققت اللي ف بالها
وانتي كمان ياقمر
اللي عايزه عريس تتجوز واللي عايزه ست عيال كمان
واللي عايز مانجه ياخد مانجه
واللي عايز فراوله ياخد
واللي عايز فلوس
ولا انتو محتاجين فلوس اللهم صلي ع النبي
دانتو بتركبوا ببلاش
هههههههههه
ربنا يوفقكم ويسعدكم وتفضلوا اصحاب بقيت عمركم
برقش
اخوكي
ميوشه
انا جيت تاني بس المرادي
عشان ادبسك
انا بهديلك تاج
ياريت تجاوبيه
لا
ازعل
وانا زعلي وحش
هرجع للاجرام
كل سنة وانتى طيبة يا ميوووووشة وعقبال ما تشوفيها وهى داخلة المدرسة وبتكبر كدا يااااارب
br2ash
............
ايه ده ؟؟ مستحيل
لأ لحظة انزل كده اتأكد من الاسم تانى
معقول برقش.. لوووووووووووولى
انت فين يا راجل من زمان.. والله العظيم واحشنى جداااااااا
انا مشكلتى معاك مشكلة يا برقش .. مش عارفة العيب من عندى ولا من عندك
بس الريدر عندى مش بيجبلى بوستاتك الجديدة خالص مش عارفة ليه.. حاولت معاه كتير بس بجد فيه حاجة غلط
انا عارفة انى مستنتدلة معاك جدا .. بس انا عارفة انك قلبك كبير .. ومش ممكن تزعل من اختك الفاشلة ميوشة
نورتنى ونورت المدونة ونورت مصر كلهااا
أبو العريف
..........
لأ طبعا انا مقدرش على زعلك
لكن انا ممكن أخره شوية
بس انت طلباتك اوامر يا باشا .. ان شاء الله هرد عليه قريب جدا
koketa
............
الف شكر يا كوكيتا
عقبال ما تشوفى مدونتك انتى كمان وهى فى الكوشة
امين يارب
علي فكره بقي انا زعلت اصلا انا كنت عاملك مفاجأه في البوست اللي فات وانت ما جيتيش خلاص مش هقولك عليها
اوعي اشوف وشك هناك
اعورك
والله والله النت فصل وانا بقرا البوست
ومكنتش لسه وصلت للمفجأة
انا رايحة حااااالا اهو
والله غصب عنىىىىىىىىىىى
الاخت او الابنه الغاليه
maiosha
كل عام وانت ومدونتك بالف خير وسلامه
مع تمنياتي لك بحياه سعيده
كوووووووووووووووول سنه وانتى طيبه يا مدونه ميوووووووشه
وعقبال ميت سنه ان شاء الله
وتكبر قدامك وتشوفيها ست العرايس
كل سنة وانتى طيبة يا اوختشى وعقبال ما تخاوى البلوج كدة باخ وللا اخت حلوين يملوا عليكى البيت قرف وزعيق وقلة ادب....
منورة بلوجر ميوشة هانم..صباح شريف يا فندم
محمد فارس
.............
كل سنة وانت طيب وبكل خير وصحة
نورتنى
رونة مشاكل
..............
وانتى طيبة يا أحلى روووووووونة فى الدنيا
enjy
........
صباحك أشرف يا انجى هانم (مين أشرف ده؟؟)
يا حبيبتى ما أنا لاقيت نفسى كبرت بقى قررت إنى أجيب لها أخ ياخد باله منها
كلام رومانتيكى .. بس هو اخ مااايص شوية
كل سنه وانت طيب يا بلوج
وكمان صاحبتك ميوشه طيبه معاك
ودايما فى تقدم
كل سنه وانت طيب يا بلوج
وكمان صاحبتك ميوشه طيبه معاك
ودايما فى تقدم
كل سنه وانت طيب يا بلوج
وكمان صاحبتك ميوشه طيبه معاك
ودايما فى تقدم
bosy
.........
وانتى طيبة يا بوسى 3 مرات
اشمعنى انتى يعنى تكتبى 3 تعليقات
نورتينى
كل سنة وانتى بخير وعقبال 100 سنة تدوين :)
كل سنة وانتى طيبة
ومدونتك طيبة
وعقبال 100 سنة تدوين
وسنة حلوة يا جميل
بالتوفيق دائما
خالد همس الاحباب
كل سنة والبلوج وصاحبة لابلوج طيبين وبخير ديما ويفضلوا يقرفونا يووة قصدى يمتعونا ويفرفشووونا وينعنشونا اونا اونا اونا
وحشانى اوى يابنت انتى بقيتى تختفى اكتر ما بتظهرى بجد
بيس
كل سنه وانتى طيبه ياقمر وعقبال 100 سنه تدوووين انتى وشلة الانس بتاعتك دى...الواضح انهم كلهم زى العسل زيك وانا نفسى اتعرف عليهم كلهم واشوفهم..واولهم انتى ياقمر
معلش على التأخير فى الزيارة لظرووف خنيقه...وحشتينى قوى
تحياتى
ايوشة
..........
وانتى بألف صحة وسلامة
نورتيييييييييينى يا جميل
الضاحكون
...........
كل سنة وانت طيب يا خالد
وتفضلوا تضحكونا على طوووووول
لحسن من غيركم الحياة كئيبة
دعاء مواجهات
...............
دعاء جاية بصدا الصوت بتاعها
ماشى يا ستى انا هفضل برضة وهقرفكم وهطلع عينكم
حد ليه شوق فى حاجة
هههههههههههههه
وانتى طيبة يا جمييييييييييل
بنت الغربة
............
وانتى طيبة يا قمر
والله انا اللى نفسى اتعرف على كل واحد هنا .. هموت واشوف واحد واحد فيكم
بس العين بصيرة وصوابع الايد مدوحسة بقى هنعمل ايه
نورتى يا قمر
حابي بار زاي تو يو نياهاهاهاها
هو ده الانجليش الصح اللي بندرسة في الكلية نياهاهاهاهاهاها
كل سنة وانتي والبلوج بألف خير يا قمرايا
امواااااة
إرسال تعليق