الأحد، 11 مايو 2008

ربنا معانا اليومين دول

سلام عليكم
أنا عارفة إنى إتأخرت كتير من غير ما أكتب جديد .. لكن أعمل إيه ؟؟ جدول الإمتحانات بيأكد وبكل ثقة إن إمتحاناتى الشهر ده.. وماما حبيبتى مصممة جدا جدا على إنى أنجح السنة دى.. فعلشان كده أنا هضطر أسفة أوقف تنزيل أى بوست جديد حتى نهاية إمتحانات الترم التانى .. ربنا يعديها على خير
أما البوست اللى فات .. لسه طبعا واقف عند إمتحان القصة .. هنوقف الأحداث لحد هنا لغاية ما نكمل بعد الإمتحانات.
الموضوع ده فكرنى لما كنت فى الإعدادية كنا بناخد قصة رحلة إلى مركز الأرض .. الترم الأول خلص لما البطل أغمى عليه .. وفضل يا عينى مسخسخ كده لغاية الترم التانى ما بدأ .
إدعولى يا جماعة ربنا يخليكوا .. وأشوفكوا بعد الإمتحانات

سلام